Aanbidding
Wie van ons het nie in die naghemel opgekyk en gewonder hoekom ons hier is nie? Wat is ons plek in die heelal? Wat is die doel van die lewe? Is God werklik? Indien wel, wat doen Hy? Wat is die Kerk, en wat is die doel daarvan?
Die Bybel onthul dat die lewe oor verhoudings gaan. Die belangrikste verhouding wat ons kan hê, is met ons eie Skepper – ons liefdevolle ewige Vader en Sy Seun Jesus Christus. Verhoudings lê aan die kern van ons benadering tot God en medemens, en God het dit vir ons moontlik gemaak om die leemtes tussen ons met Sy Heilige Gees te oorbrug.
Die volgende gidse is ontwerp om u te help om hierdie belangrike verhoudings te verstaan en te groei deur die Bybel as ons studiegids te gebruik. Al ons studies is vrylik beskikbaar om te lees of om af te laai, en die meeste is ook in gedrukte formaat beskikbaar.
God se Plan Volgens Sy Heilige Dae
Is dit moontlik om te weet wat die toekoms vir ons inhou? Die Skepper van die mensdom het wel 'n plan vir ons en Hy openbaar dit aan ons deur 'n jaarlikse siklus van feeste wat in die Skrif beskryf word. Dit is 'n verstommende plan wat 'n ongelooflike toekoms bied aan elke man, vrou en kind wat nog ooit geleef het. Hierdie boekie sal u help om die ongelooflike waarheid te verstaan oor wat vir die hele mensdom voorlê.
Vakansiedae of Heilige Dae
Baie mense is geskok om die oorsprong van ons gewildste godsdienstige vakansiedae te ontdek. Hulle is ook verbaas om te ontdek dat die dae wat God in die Bybel ons beveel om te onderhou - dieselfde dae wat Jesus Christus en die apostels gevier het - feitlik universeel geïgnoreer word. Hoekom? Waarom word die Christelike vakansiedae vandag met soveel rituele en gebruike waargeneem wat nêrens in die Bybel gesanksioneer word nie? In hierdie gids sal u gedetailleerde antwoorde op hierdie vrae ontdek.
Sononder tot Sononder
God se Sabbatsrus
Waarom het God die Sabbat so belangrik geag dat Hy dit in die Tien Gebooie opgeneem het? In ons moderne wêreld word die Sabbatsopdrag feitlik geïgnoreer en deur baie as irrelevant beskou. Maar is dit?
Ons gratis gids Sononder tot Sononder, God se Sabbatsrus sal u help om die waarheid oor die Sabbat te ontdek en ook te bepaal hoe hierdie kennis u lewe beïnvloed.
'n Duidelike begrip van die skrif sal u help om die relevansie en belangrikheid van die Sabbatdag te verstaan. Moenie uitstel om meer oor hierdie belangrike onderwerp te leer nie.
Paasfees
Die Res van die Verhaal
Baie gelowiges vier Paasfees as 'n manier om Jesus se opstanding te eer. Paasfees se oorprong strek terug na die voor-Christelike heidendom. Die Bybel alleen wys 'n ander stel vieringe - die Pasga en die Dae van die Ongesuurde Brode - wat ons die ware verhaal gee.
