Welkom by die Kaapstad gemeente!

Van die Leraar, Mr Vivien Botha—

Hallo and welkom!

U weet seker dat die lede van die United Church of God op die weeklikse Sabbat (Saterdag) rus (dit is, om te weerhou van normale werk en ontspanning) in ooreernstemming met die vierde gebod en ontmoet vir dienste. Ons kom dikwels nie in kerkgeboue byeen nie - ons plaaslike gemeentes vergader waar dit geskik en toeganklik is. Ons hou weeklikse kerkdienste en ons wil u graag uitnooi om van ons dienste by te woon en saam met ons dit te geniet.

 Hier is meer inligting oor die formaat van ons dienste indien u belangstel:

Aangesien ons 'n wêreldwye organisasie is, het ons 'n standaardformaat vir ons dienste, wat grotendeels dieselfde is oor die hele wêreld. Die hele diens duur ongeveer 'n uur en 'n half, en ons moedig almal wat Sabbatsdienste bywoon om 'n Bybel saam te bring. Omdat ons glo en leer dat die Bybel die geïnspireerde Woord van God is, sal ons predikers en ander sprekers in die loop van 'n diens fokus op wat die Bybel sê. Lidmate word aangemoedig om self die aangehaalde skrifture te lees. Baie neem notas vir latere hersiening. Die boodskappe wat in ons dienste aangebied word, is ontwerp om leersaam, behulpsaam, prakties en inspirerend te wees. Na afloop van die diens het ons die geleentheid om te kuier oor tee, koffie en versnaperinge. Ons probeer egter versigtig wees dat ons op dinge wat geestelik is konsentreer en minder op dit wat van 'n fisiese aard is.

Wanneer ons 'n Sabbatdiens bywoon, kom ons in die aktiewe teenwoordigheid van God en verskyn ons voor Hom met die doel om Hom te aanbid en om Sy weë te leer. As ons by die Sabbatdienste in die teenwoordigheid van God kom, toon ons, op die manier waarop ons aangetrek is, respek en eerbied aan Hom. Gereelde lede van die United Church of God dra dus hulle beste klere. Sonder om te spesifiek te wees is ons bewus daarvan dat die begroting 'n groot rol speel in die klere wat ons kan bekostig en streef daarna om beskeie aan te trek.

Ons hoop dat hierdie inligting nuttig is ons hoop dat u binnekort by ons sal aansluit vir 'n aangename Sabbatdiens. Ons sien uit daarna om u te ontmoet.

Groete, Vivien Botha – Kaapstad Leraar vir United Church of God